Jasmin Celikovic është larguar papritur nga radhët e Vllaznisë. Mbrojtësi kërkoi ndërprerjen e kontratës për arsye personale e familjare.
Ndërprerja e bashkëpunimit erdhi sepse futbollisti ishte i detyruar të rikthehej në vendlindjen e tij, Bosnjë-Hercegovinë. Menjëherë pas largimit, lojtari ka gjetur marrëveshjen me skuadrën e tij të re në elitën e futbollit boshnjak.
Mësohet se Celikovic ka arritur akordin dhe ka firmosur kontratën me klubin e Superligës, Sloga Doboj. Prezantimi i tij zyrtar nga ekipi i ri pritet të bëhet gjatë orëve në vazhdim.
Nga ana tjetër, te Vllaznia nuk parashikohet afrimi i ndonjë zëvendësuesi, duke vendosur të përballojnë kampionatin deri në janar me organikën aktuale.
