Edon Zhegrova po kalon një moment të komplikuar te skuadra e Juventusit.
Sipas ekspertit të merkatos Fabrizio Romano, anësori dardan rrezikon të lihet jashtë listës zyrtare të klubit për ndeshjet e UEFA-s.
Raportohet se futbollisti nuk bën më pjesë në planet e trajnerit Luciano Spalletti, i cili e ka lënë atë në stol. Gjatë orëve të fundit të afatit kalimtar, për të pati interesim nga klube si Lazio dhe Atalanta.
Gjithashtu, për shërbimet e lojtarit u shfaq edhe klubi arab Al Ittihad. Megjithatë, Zhegrova vendosi të refuzojë të gjitha këto opsione për t’u larguar nga Torina.
Si pasojë e këtij vendimi, sulmuesi i Kosovës rrezikon seriozisht të mbetet pa luajtur në Europa League.
