Komiteti i Arbitrave i FIFA-s ka larguar zyrtarisht nga pjesa e mbetur e Kupës së Botës arbitrin francez François Letexier, pas kualifikimit të Francës në fazën gjysmëfinale.
Megjithëse Letexier u përfshi në polemika të mëdha pas drejtimit të ndeshjes Egjipt–Argjentinë në fazën e 1/8-ave, organizata ka sqaruar se ky vendim nuk përbën një masë disiplinore.
Sipas rregullores së turneut, gjyqtarët që vijnë nga vendet e katër kombëtareve gjysmëfinaliste largohen automatikisht për të shmangur konfliktet e interesit.
Për këtë arsye, krahas Letexier, nga kompeticioni janë pezulluar edhe Clement Turpin si dhe të gjithë arbitrat e tjerë nga Spanja, Argjentina dhe Anglia.
I vetmi përjashtim nga trupa franceze është Jerome Brisard, i cili do të lejohet të vazhdojë punën e tij. Megjithatë, pasi nuk ka drejtuar asnjë sfidë si kryesor në këtë Botëror, Brisard do të angazhohet si arbitër në dhomën e sistemit VAR.
