Trajneri i Kombëtares Shqiptare, Rolando Maran, ka udhëtuar drejt Skocisë për të ndjekur nga afër paraqitjet e sulmuesit Sabah Kerjota.
Siç zbulon e përditshmja “Hearts Standard”, paraqitjet e shkëlqyera të futbollistit shkodran mund t’i hapin atij dyert e përfaqësueses kuqezi.
Tekniku italian ishte i pranishëm në shkallët e stadiumit gjatë fitores 2-1 të Hearts ndaj St. Johnstone. Në atë përballje, Kerjota luajti për 80 minuta si titullar me skuadrën që po lufton për titullin kampion.
Sulmuesi anësor konfirmoi formën e tij të lartë edhe në javën e fundit duke shënuar golin e fitores ndaj Dundee. Më këtë realizim, 23-vjeçari shkon në kuotën e një goli dhe tre asistimeve në këtë start edicioni.
Pasi e nisi udhëtimin në akademinë e Vllaznisë dhe spikati në Serie D italiane, Kerjota u transferua te Hearts verën e kaluar.
Paraqitjet e tij bindëse në kampionatin skocez e bëjnë atë tashmë një kandidat serioz për t’u grumbulluar nga Maran.
