Medon Berisha nuk ishte pjesë e listës së trajnerit Rolando Maran, për katër ndeshjet e Ligës së Kombeve.
Shkak për këtë u bënë problemet fizike, që mesfushori shfaqi te Lecce.
Megjithatë, mesfushori ka takuar shokët e ekipit kuqezi, pas duelit me Finlandën. Siç shihet në këtë pamje, Medon Berisha, është shfaqur në “Shtëpinë e Futbollit”, ku ekipi po zhvillon fazën përgatitore.
Edhe pse nuk mund të luajë, ai ka dashur të jetë pranë ekipit, diçka që tregon për atmosferën pozitive që është krijuar te kuqezinjtë.
