Sfida Skënderbeu-Tirana, e vlefshme për javën e katërt do të luhet në Korçë. Ditët e fundit kishte paqartësi për impiantin e ndeshjes, për shkak të punimeve në fushën e stadiumit “Skënderbeu”.
Megjithatë, vetë klubi juglindor ka njoftuar se do e presë Tiranën në shtëpi, në atë që do të jetë ndeshja e parë për këtë sezon në Korçë.
Sfida është planifikuar të premten e 11 shtatorit, duke nisur nga ora 18:30 dhe hap javën e katërt në Superiore.
Megjithëse u përfol se ndeshja mund të zhvendosej te “Arena Egnatia”, njoftimi i fundit i klubit i dha fund të gjitha dilemave.
Në ndeshjen e parë si pritës, në javën e dytë ndaj Dinamos, Skënderbeu u detyrua të zhvendosej në Elbasan, pasi fusha nuk ishte ende gati.
