
Situatë e tensionuar te Dinamo: Ka tradhti, nga Ilir Daja te lojtarët
Situata te Dinamo ka marrë trajtën e një “ekuacioni me shumë të panjohura”. Janë 4 ndeshje radhazi që “blutë” e kryeqytetit nuk e njohin fitoren në…
Situata te Dinamo ka marrë trajtën e një “ekuacioni me shumë të panjohura”. Janë 4 ndeshje radhazi që “blutë” e kryeqytetit nuk e njohin fitoren në Superiore, përpos lojës së “vakët” dhe shumë larg paraqitjeve që dinamovitët prezantuan në Kupat e Europës.
E vështirë për të kuptuar se ku qëndron problemi. Pas deklaratës së presidentit Adrian Bardhi, të postuar në rrjetet sociale nga klubi, nuk kanë munguar reagimet e tifozëve.
Mes shumë reagimeve, një prej mbështetësve ka hedhur pretendime të forta, ku shkruan: “Keni tradhti brenda, shiko që nga trajneri e deri te 11 lojtarët në fushë. Turp, turp, turp!”, mesazh adresuar presidentit Bardhi.
“Barra” kryesore për mungesën e rezultateve te Dinamo bie padyshim mbi trajnerin Ilir Daja, ndërsa ekipi është “dorëzuar” në kampionat vetëm pas 12 javësh, hendek shumë i madh me Egnatian kryesuese, e ku loja nuk jep asnjë shpresë.

Burimi: Vetëm Sport
Lajmet sportive më të shpejta direkt në rrjetet tuaja.





