Egnatia u rikthye te fitorja, pasi mposhti 2-1 Partizanin në shtëpi, në duelin e javës së pestë në Superiore.
Skuadra rrogozhinase ishte dominuese gjatë gjithë pjesës së parë dhe gjeti avantazhin në minutën e 31-të. Ishte Loukili ai që zhbllokoi takimin dhe vendosi rezultatin e fraksionit të parë.
Dominimi i Egnatias vazhdoi edhe në pjesën e dytë, ndërsa Albanese dyfishoi me një supergol nga distanca më minutën e 71-të.
Partizani reagoi dhe ngushtoi shifrat dy minuta më vonë, me Muratajn që shënoi, i ndihmuar nga një devijim.
Deri në fund, pati raste në të dyja portat, ku Egnatias iu anulua një gol për pozicion jashtë loje nga Gruda.
SHIKONI KLASIFIKIMIN: RENDITJA E KATEGORISË SUPERIORE
Me këtë sukses, Egnatia ngjitet në vendin e dytë me 12 pikë, ndërsa Partizani mban vendin e shtatë me katër pikë, ndërsa kjo është humbja e dytë radhazi.
