Besëlidhja “trondit” Besën, surprizë në Pogradeci-Flamurtari. Rezultatet dhe renditja  

Dy ndeshjet e javës së katërt në Kategorinë e Parë, prodhuan surpriza në rezultate.

Pogradeci dhe Flamurtari u ndanë në barazim pa gola. Pavarësisht rasteve të shumta, asnjë nga ekipet nuk ia doli të shënojë dot.

Ndeshja në “Gjorgji Kyçyku” u shoqëruar me tensione të shumta dhe protesta për vendimet e arbitrit.

Me këtë barazim, Pogradeci mban vendin e parë me tetë pikë, ndërsa Flamurtari nuk del nga kriza, pasi mban vendin e nëntë me vetëm tri pikë.

Në duelin tjetër, Besëlidhja bëri surprizën e madhe, duke fituar 2-1 ndaj Besës. Skuadra lezhjane iu falë golave të Ogungbire dhe Bilalit në pjesën e parë.

SHIKONI KLASIFIKIMIN: RENDITJA NË KATEGORINË E PARË

Kavajasit shënuan në pjesën e dytë me Prengajn, por kishte vetëm vlerë statistikore. Besëlidhja ngjitet në vendin e tetë me katër pikë, ndërsa Besa mban vendin e dytë me shtatë pikë.