Mario Mitaj po kalon një moment të ndërlikuar te skuadra e Genoas në këtë fillim sezoni.
Mbrojtësi i majtë i Kombëtares Shqiptare nuk ka regjistruar ende asnjë minutë loje pas katër javëve të para në Serie A. Trajneri Daniele De Rossi nuk po e llogarit 23-vjeçarin, i cili pranoi kalimin në Itali në formë huazimi nga Al-Ittihad për të luajtur më shumë.
Nga ana tjetër, Genoa po vuan në kampionat pasi barazimi ndaj Frosinones i dha vetëm pikën e parë të këtij edicioni. Pozicionimi në vendin e parafundit tregon se objektivi kryesor i skuadrës do të mbetet mbijetesa në elitë.
Gjithsesi, rasti për të treguar vlerat pritet t’i jepet mbrojtësit në ndeshjet e Kupës së Italisë. Më 15 shtator Genoa do të përballet me Sudtirol, një përballje ku Mitaj synon të përsëritë paraqitjen e mirë të raundit të kaluar ku dhuroi edhe një asist.
