Dështon transferimi te Dinamo, zbardhen prapaskenat e Hadrojit

Transferimi i mbrojtësit Andi Hadroj te skuadra e Dinamos ka dështuar në minutat e fundit.

Futbollisti kreu me sukses vizitat mjekësore me ekipin kryeqytetas, mirëpo zyrtarizimi i tij nuk erdhi për shkak të mosmarrëveshjeve.

Shkak kryesor për prishjen e akordit u bë kohëzgjatja e kontratës së re. Mbrojtësi me përvojë te kombëtarja shqiptare kërkoi një marrëveshje 1-vjeçare me klubin dinamovit. Nga ana tjetër, drejtuesit e Dinamos i ofruan lojtarit një kontratë 2-vjeçare.

Mosgjetja e gjuhës së përbashkët mes palëve çoi në ndërprerjen e menjëhershme të bisedimeve. Në këtë mënyrë, Hadroj nuk do të veshë fanellën e bluve për këtë sezon.