Edhe pse në moshën 38-vjeçare, Emiljano Vila e ndjen veten ende të dobishëm për të luajtur futboll konkurrues.
Raportohet se mesfushori është parë duke u stërvitur me ekipin e Sopotit ditën e sotme, ndërsa është arritur marrëveshja mes palëve. Zyrtarizimi pritet të vijë së shpejti.
Pas 8 javësh në Kategorinë e Parë, ekipi librazhdiot mban vendin e 10-të, me rrezik për rënien në Kategorinë e Dytë.
Nëse i referohemi “CV”-së së Vilës, durrsaku ka fituar gjithçka në elitën e futbollit shqiptar, konkretisht 3 kampionate, 2 Kupa dhe 3 Superkupa.
