Egnatia regjistroi fitoren e tretë radhazi, në tre javët e para të Kategorisë Superiore. Rrogozhinasit triumfuan 2-1 ndaj Skënderbeut në shtëpi, në një sfidë shumë të luftuar.
Ndeshja nisi me raste, me korçarët që kishin mundësinë për të kaluar në avantazh në minutën e 11-të, por Bismark nuk shënoi nga penalltia.
Vetëm 3 minuta më vonë, Egnatia gjeti golin e parë me Albanesen. Skënderbeu reagoi dhe barazoi në minutën e 34-t, me një tjetër penallti të kthyer në gol nga Nasr.
Pjesa e dytë foli më shumë për kampionët në fuqi, që shënuan të dytin në minutën e 84-t, me Loukilin.
KLIKO KETU: RENDITJA E KATEGORISË SUPERIORE
Me këtë fitore, Egnatia mban kryesimin me 9 pikë dhe jep sinjale të qarta për të ardhmen. Për Skënderbeun, kjo është humbja e dytë radhazi, ndërsa numëron dhe një barazim.
