Përfaqësuesja e Kosovës ka siguruar një nga talentet më premtues të futbollit evropian.
Mesfushori 17-vjeçar i Bayern Munich, Erblin Osmani, ka vendosur zyrtarisht të përfaqësojë Dardanët. Lajmi i madh u konfirmua nga ambasadori i Kosovës në Gjermani, Faruk Ajeti, i cili i dorëzoi personalisht pasaportën e Republikës së Kosovës.
Me këtë lëvizje, talenti i ri largohet nga strukturat e ekipeve të moshave të Gjermanisë. Ambasadori Ajeti shprehu krenarinë për këtë zgjedhje dhe theksoi se e ardhmja e futbollit kosovar është mjaft e ndritur.
Gjithashtu, ai falënderoi presidentin e FFK-së, Agim Ademi, për punën e palodhshme në bindjen e lojtarit.
