Klevis Dalipi ka marrë zyrtarisht detyrën e trajnerit të Burrelit. Dalipi vjen si pasues i Samuel Nikës i cili njoftoi dorëheqjen pak ditë më parë.
Me emërimin e Dalipit në stolin e “Mbretërorëve”, Burreli synon të largohet nga “zona e ftohtë” dhe me misionin fillestar për të qëndruar në Kategorinë e Parë, duke marrë në konsideratë dhe ecurinë e skuadrave që pozicionohen më sipër në klasifikimin.
Sa i përket përvojave të mëparshme, Dalipi ka qenë më parë në krye të Apolonisë, Lushnjes, Tomorit dhe Korabit, teksa fillimet i ka marrë tek ekipi i Partizanit.
