Edi Martini është larguar nga drejtimi i Vllaznisë. Klubi ka mbyllur bashkëpunimin me teknikun shkodran, për mungesë rezultatesh.
Drejtuesit nuk kanë humbur kohë dhe kanë zgjedhur trajnerin e ri.
Mësohet se është i huaj dhe do të mbërrijë të mërkurën në Shqipëri.
Emri i trajnerit nuk bëhet akoma me dije, por nga sa mësohet nga drejtuesit e klubit bëhet fjalë për një emër, i cili është afruar me synimin për t’i dhënë skuadrës një impuls të ri në vazhdim të kampionatit.
Emri i trajnerit të ri pritet të zyrtarizohet gjatë ditës së nesërme, duke nisur kështu një kapitull të ri në stolin e Vllaznisë.
