Skënderbeu ka barazuar 1-1 ndaj Egnatias, në minutën e 33-të. Këtë herë shënoi Saleh Nasr, që u tregua i saktë nga penalltia.
Më herët, Egnatia kaloi në avantazh në minutën e 14-të, në sfidën e javës së tretë në Superiore.
Ka shënuar Albanese, pas një inkursioni nga e majta e sulmit rrogozhinas, ndërsa përfitoi edhe nga një pasiguri e portierit Alia.
Para këtij aksioni, Skënderbeu kishte një mundësi të artë për të kaluar në avantazh. Megjithatë, Bismark gaboi nga penalltia, gjuajtja e të cilit u prit nga Dajsinani.
