Java e katërt e Superiores sjell derbin e parë të kryeqytetit mes Partizanit dhe Dinamos.
Përballja e vlefshme për këtë javë e gjen Partizanin në rolin e ekipit pritës. Kjo situatë ka rikthyer në vëmendje me forcë problemin e madh të stadiumit për klubin e kuq.
Për shkak të punimeve për rikonstruksionin e barit në “Arena e Demave”, skuadra kryeqytetase po luan jashtë shtëpisë së saj. Sipas planifikimit zyrtar nga FSHF, derbi ndaj Dinamos është caktuar të luhet në stadiumin e Vorës në orën 16:00.
Ky orar dhe terreni me bar sintetik konsiderohen mjaft të papërshtatshëm nga drejtuesit për shkak të temperaturave të larta. Mbetet për t’u parë gjatë orëve në vazhdim nëse Partizani do të kërkojë zhvendosjen e sfidës në një tjetër impiant.
