Skënderbeu ka pësuar humbjen e parë të sezonit në Kategorinë e Parë, duke u mundur 3-2 nga Kastrioti në transfertë, në ndeshjen e javës së nëntë.
Takimi u karakterizua nga tension i lartë dhe episode të diskutueshme. Në minutën e 23-të, arbitri akordoi një penallti për Skënderbeun pas një faulli ndaj Nasr, vendim që shkaktoi protesta nga lojtarët vendas.
Goditja e Gjatës u prit nga portieri, por në vazhdim të aksionit Abubakar shënoi për korçarët, mes pretendimeve për faull ndaj portierit. Lojtarët e Kastriotit u larguan për disa minuta nga fusha në shenjë proteste, për t’u rikthyer më pas dhe për të reaguar me dy gola që përmbysën rezultatin.
Pjesa e parë u mbyll 2-1 për vendasit, ndërsa në të dytën krutanët shënuan edhe golin e tretë me penallti. Skënderbeu mbeti me dhjetë lojtarë pas ndëshkimit me të kuq të Shaqes për një sherr në mesfushë dhe megjithëse realizoi golin e dytë, nuk arriti të shmangte humbjen.
Pas këtij rezultati, Skënderbeu ruan kreun me 22 pikë, ndërsa Kastrioti renditet në vendet e fundit me 7 pikë.
Kastrioti 3-2 Skënderbeu
33′, 51′ (p) Hoxha, 37′ Kapllani – 27′ Abubakar, 66′ (ag) Kacbufi
Penalltia e akorduar dhe goli i Skënderbeut: (VIDEO) + (VIDEO)
Goli i Hoxhës: (VIDEO)
Goli i Kapllanit: (VIDEO)
Goli dytë i Hoxhës (VIDEO)
Autogoli i Kacbufit (VIDEO)
