Broja e mbyll te Burnley? Drejt klubit ku luan shqiptari tjetër 

Armando Broja mund të largohet së shpejti nga Burnley, sipas lajmeve të fundit të raportuara nga media britanike “Sky Sport”. 

Destinacioni i vetëm realist për sulmuesin e Kombëtares Shqiptare mbeten Emiratet e Bashkuara Arabe. 

Klubi i Al Jazira, ku aktivizohet edhe Kristjan Asllani, e ka vënë 25-vjeçarin në listën e dëshirave për fazën e sulmit. 

Ekipi nga Abu Dhabi ka ende kohë në dispozicion për të mbyllur këtë marrëveshje transferimi. 

Për sa i përket pistave të tjera, interesimi nga PAOK-u i Greqisë u zbeh pas mbylljes së merkatos atje. Më parë edhe kërkesa e Schalke-s për ta marrë në huazim u refuzua nga drejtuesit e klubit anglez. 

Burnley është i gatshëm ta lërë të lirë lojtarin vetëm me formulën e shitjes ose huazimit me detyrim blerjeje. 

Aktualisht, vetëm klubet e Lindjes së Mesme duken të gatshme të përmbushin pretendimet financiare të anglezëve.