Akuza për trukim te Vllaznia, Alban Xhaferi nuk kursehet

Presidenti i Vllaznisë, Alban Xhaferi, ka bërë një reagim publik në mbështetje të Hashim Thaçit dhe ish-krerëve të UÇK-së pas vendimit të Gjykatës së Hagës.

Përmes një postimi në rrjetet sociale, ai e ka cilësuar dënimin e tyre si një padrejtësi historike ndaj atyre që mbrojtën atdheun. Ndërkohë, ky postim ka nxitur reagime të shumta, ku një prej komentuesve e ka akuzuar atë për trukim të ndeshjeve të Vllaznisë.

Presidenti i Vllaznisë nuk ka hezituar t’i përgjigjet drejtpërdrejt kësaj akuze të rëndë në hapësirën e komenteve. Xhaferi i ka bërë thirrje komentuesit që t’i drejtohet prokurorisë nëse disponon prova apo argumente për pretendimet e tij.

”O mos fol për turpin e Hagës, por fol për turpin që po i bën Vllaznisë duke shitur ndeshje dhe duke e vendosur aty ku nuk e meriton ky emër. Ose merru me politikë sepse nuk na duhet neve  politika, por Vllaznia”, shkruhet në koment.

Xhaferi më pas i përgjigjet: “Nëse ke prova dhe argumente të tilla shko në prokurori. Në të kundërt je një kokërr shpifësit dhe mashtruesit”.