E BUJSHME/ Zbulohet klubi i Superiores që i ofroi 500 mijë euro Hysajt

Elseid Hysaj vazhdon të mbetet ende pa një skuadër, ndërsa po vlerëson opsionet e mundshme për të ardhmen e tij si lojtar i lirë. 

Gjatë kësaj periudhe, mbrojtësi i Kombëtares Shqiptare është stërvitur për disa ditë radhazi me skuadrën e Vllaznisë. 

Së fundmi është zbuluar se 32-vjeçari ka marrë një ofertë të çmendur për t’u rikthyer në kampionatin shqiptar. 

Raportimet e fundit konfirmojnë se ka qenë pikërisht klubi i Egnatias që i ka ofruar një kontratë prej 500 mijë eurosh në sezon. 

Kampionët në fuqi të Shqipërisë ishin të gatshëm të bënin këtë sakrificë rekord për të siguruar shërbimet e rekordmenit kuqezi.

Gjithsesi, Hysaj e ka refuzuar propozimin e klubit rrogozhinas. 

Synimi kryesor i mbrojtësit anësor mbetet vazhdimi i karrierës në ligat elitare jashtë Shqipërisë.