Kombëtarja shqiptare do të luajë katër ndeshje të rëndësishme në fund të shtatorit dhe në fillim të tetorit, të vlefshme për Ligën e Kombeve.
Faqja “Talentet Shqiptarë”, raporton se ka zbuluar listën me lojtarët që do të grumbullohen nga trajneri Rolando Maran.
Tekniku Italian i ka besuar bërthamës kryesore të skuadrës, duke shmangur eksperimentet në këtë grumbullim. Kuqezinjtë do të përballen me mungesa të rëndësishme për shkak dëmtimesh, ku jashtë mbeten Strakosha, Ajeti, Kumbulla dhe Uzuni. Ndërkohë, mesfushori Juljan Shehu mbetet në pikëpyetje për shkak të kohës së rikuperimit.
Një zhvillim i rëndësishëm lidhet me Ivan Balliun, i cili kishte menduar tërheqjen por u bind nga Maran për të luajtur edhe katër ndeshje. Për shkak të ngjeshjes së kalendarit me katër përballje brenda dy javësh, lista përfundimtare mund të zgjerohet deri në 28 futbollistë.
Në orbitën e teknikut për plotësimin e dy vendeve të mbetura ndodhen emra si Kerjota, Vrioni, Rashica apo Mehmeti.
LISTA SIPAS TALENTET SHQIPTARË:
Portierë: Sherri, Simoni, Dajsinani.
Mbrojtës: Mitaj, Pilos, Hysaj, Balliu, Gjimshiti, Cake, Ismajli, Plana.
Mesfushorë: Ramadani, Shehu, Laçi, Asllani, Pajaziti, Bajrami, Hasa, Muçi.
Sulmues: Hoxha, Seferi, Asani, Broja ose Kerjota, Manaj, Daku, K. Shpendi
SHËNIM: Lista është zbuluar nga “Talentet Shqiptarë” dhe ende nuk është zyrtare. Në vazhdim mund të ketë ndryshime…
