E KRYER/ Sulmuesi i Kombëtares surprizon me ekipin e ri, transferohet tek… 

Përfundon aventura e Arbër Hoxhës në Kroaci, pasi sulmuesi i Kombëtares Shqiptare do të kalojë te skuadra e Al Wahda. 

Klubi i Dinamo Zagrebit ka rënë dakord për shitjen e kartonit të tij për shumën e 2.5 milionë eurove. 

Kroatët kanë ruajtur edhe 10% të të drejtave në rast të një rishitjeje të ardhshme. Detajet e këtij operacioni janë bërë të ditura nga e përditshmja “Sportske Novosti”. 

Kjo lëvizje vjen krejtësisht e papritur, pasi kampionati arab nuk konsiderohej më parë si një destinacion i mundshëm për anësorin kuqezi. Hoxha pritet t’i bashkohet menjëherë ekipit të ri në Emiratet e Bashkuara Arabe për të nisur këtë etapë të re financiare dhe profesionale. 

Me këtë kalim, futbollisti le pas një periudhë të rëndësishme në kampionatin kroat me fanellën e gjigantëve nga Zagrebi.