“Kaos” në Kastrioti-Skënderbeu, lojtarët braktisin ndeshjen. Largohen nga fusha

Situatë kaotike në ndeshjen e Kategorisë së Parë, mes Kastriotit dhe Skënderbeut.

Në minutën e 23-të, arbitri akordoi penallti për Skënderbeun, pas një ndërhyrje të gabuar ndaj Nasr. Megjithatë kjo nuk është pritur mirë nga lojtarët vendas.

Ata rrethuan arbitrin, duke protestuar për disa minuta. Penalltia u ekzekutua nga Gjata, gjuajtja e të cilit u ndal nga portieri.

Në vazhdim të aksionit, shënoi Abubakar. Përsëri pretendimet ishin të mëdha. Vendasit kërkuan faull ndaj portierit.

Në shenjë proteste, lojtarët e Kastriotit u larguan nga fusha. Pas 5 minutash, u rikthyen sërish.