Largimi i Plorit, Besëlidhja zgjedh trajnerin e ri

Lëvizje e papritur te Besëlidhja e Lezhës në prag të sfidës së javës së katërt në Kategorinë e Parë. Skuadra lezhjane do të përballet sot me Besën në stadiumin e saj në orën 13:30. 

Në stolin e vendasve do të jetë trajneri 33-vjeçar Klevis Hima. 

Hima rikthehet në drejtim pas përvojës së tij të fundit te Kastrioti përgjatë vitit 2025. 

Më parë, tekniku i ri ka drejtuar edhe Burrelin, si dhe ka shërbyer për vite me radhë si ndihmëstrajner te Laçi. Ekipi i Besëlidhjes vjen në këtë përballje pas një starti të vështirë ku ka grumbulluar vetëm 1 pikë në tri javët e para. 

Pas dy humbjeve radhazi që çuan në largimin e trajnerit Elvis Plori, barazimi ndaj Bylisit nuk mjaftoi dhe tashmë Hima kërkon kthesën.