Mirel Josa drejt rikthimit në stol, i del emri te pretendentët në Shqipëri

Besëlidhja ka marrë vendimin për të larguar nga detyra trajnerin Elvis Plori pas dy javëve të para të kampionatit.

Palët kanë ndërprerë bashkëpunimin me konsensus si pasojë e dy humbjeve radhazi të regjistruara në Kategorinë e Parë.

Tekniku lezhjan largohet nga drejtimi i verdhekuqve vetëm pak muaj pasi e shpalli këtë skuadër kampione në Kategorinë e Dytë. Përmes një njoftimi zyrtar, klubi i Besëlidhjes e falënderoi Plorin për kontributin dhe përkushtimin e dhënë gjatë rrugëtimit të tij.

LEXO EDHE: Ekskluzive/ Drejtoi Partizanin për herë të fundit, Gerd Haxhiu favorit për stolin e pretendentëve

Tashmë drejtuesit janë vënë në kërkim të një emri të njohur për të marrë drejtimin e stolit. Pretendenti kryesor për të marrë frenat e ekipit lezhjan është tekniku i njohur Mirel Josa. Josa është pa ekip që nga mbyllja e sezonit të kaluar, ku drejtoi Bylisin në Superiore.