Dy episode që ndezën polemikat në sfidën e Teutës. Në pjesën e parë, gjyqtari Myrtja akordon një penallti pas një kontakti në zonë, por pas ndërhyrjes së VAR-it detyrohet ta korrigjojë vendimin.
Në fundin e ndeshjes, një tjetër vendim i diskutueshëm sjell penallti për Teutën, këtë herë pa një rishikim të pamjeve në VAR. Një episod që përfundon me Pedron duke shënuar nga pika e bardhë dhe me pikëpyetje të mëdha mbi vendimmarrjen e gjyqtarëve.
Moviola sipas Panorama Sport:
Minutat 30’-33-të: Karrica i merr kohën Fangajt dhe rrëzohet pas një kontakti në zonë. Kryesori Myrtja bën shenjë për penallti. Më pas ai ftohet të shohë pamjet me VAR dhe në fund e anulon atë. Vendim i drejtë i gjyqtarit. Karrica është hedhur.
Minutat 87-90+5: Hasaj largon topin në fundore, por kryesori bën shenjë që ka penallti për Teutën mes protestave të miqve. Myrtja pretendon se ka një prekje topi me dorë por nuk shkon ta rishohë në VAR. Fiken dritat në stadium ndërsa pritej vendimi për penalltinë. Pas rreth 5 minutash nisin të ndizen projektorët e ndriçimit të stadiumit. Shënon Pedro me penallti.
Vendim i gabuar. Nuk ka penallti. Nuk kishte prekje me dorë në zonë. Të gjitha pamjet tregojnë se s’ka penallti. Duhet të ndërhynte sistemi VAR. Gafë e rëndë e gjyqtarëve.
