Nis “ters” aventura e Spallettit, Juventus humb titullarin

Trajneri Luciano Spalletti do të bëjë debutimin e tij në stolin e Juventusit të shtunën, në duelin ndaj Cremoneses.

Megjithatë, në këtë përballje, tekniku duhet të bëjë pa një nga lojtarët më të mirë të skuadrës. Bëhet fjalë për Kenan Yildiz. Turku ka shfaqur probleme me gjurin dhe për të mos rrezikuar nuk është grumbulluar për duelin e nesërm.

Ai është lënë jashtë skuadrës, si masë paraprake, për të shmangur një dëmtim më të madh. Vendin e Ylidiz, sipas mediave italiane pritet ta marrë Conceicao, i cili do të jetë së bashku me Vlahovic dhe Openda në sulm.

Nuk ka ende vend për Edon Zhegrovën, i cili vazhdon të presë momentin e tij.