Zbulohet kërcënimi? Gogu i shkon Veliajt në burg, i kërkon dorëheqjen. Plas në PS

Ministri i Drejtësisë, Toni Gogu, ka zhvilluar një takim me kryebashkiakun e Tiranës, Erion Veliaj, në burgun e Fierit, ku ky i fundit ndodhet pas transferimit të papritur nga paraburgimi i Durrësit.

Sipas burimeve të VNA, gjatë takimit Gogu i ka kërkuar Veliajt të japë dorëheqjen nga posti i kryetarit të Bashkisë së Tiranës.

Takimi merr një rëndësi të veçantë politike, jo vetëm për shkak të funksionit që mban Gogu, por edhe për mesazhin që dyshohet se i është përcjellë kryebashkiakut pas hekurave.

LEXO EDHE: “Do të kalb në burg, do orientoj SPAK-un…”, zbulohet kërcënimi i Ramës për Veliajn

A ishte kjo një kërkesë personale e ministrit të Drejtësisë, apo Toni Gogu kishte marrë përsipër t’i përcillte Veliajt një mesazh të Edi Ramës?

Pyetja bëhet edhe më e fortë në kontekstin e zhvillimeve të fundit, kur transferimi i Veliajt nga Durrësi në Fier shkaktoi përplasje brenda vetë Partisë Socialiste. Vetëm pak ditë më parë, Bledi Çuçi i kërkoi llogari Gogut për procedurën e transferimit, duke shkuar deri te kërkesa për dorëheqjen e ministrit.

Shënim: Ky artikull është nga VNA