Ndryshim i papritur në listë, ftohet mesfushori që shkaktoi polemika

Mungesa e Meriton Korenicës te lista e Kosovës hapi debat. Sot është Federata e Futbollit të Kosovës, që ka njoftuar se Korenica merr vendin e Donat Rrudhanit.

Rrudhani ndërkohë u dëmtua në stërvitjen e djeshme me klubin e tij. Për këtë edhe është zëvendësuar te “dardanët”.

Njoftimi i FFK:

“Për shkak të lëndimit të pësuar në stërvitjen e djeshme, Donat Rrudhani nuk do të mund t’i bashkohet Kombëtares së Kosovës për grumbullimin e radhës.

Në vend të tij, përzgjedhësi Franco Foda ka ftuar Meriton Korenicën, i cili ishte në listën e tij të zgjeruar.

Donatit i urojmë shërim të shpejtë dhe rikthim sa më të shpejtë në fushën e lojës dhe në fanellën dardane!”