Elbasan regjistroi fitoren e parë në Superiore, pasi mposhti Egnatian me rezultatin 2-1. Suksesi erdhi ndaj kampionëve në fuqi, në javën e katërt.
Të gjithë golat u shënuan në pjesën e parë, ku heroi i verdhebluve ishte Ardit Nikaj. Sulmuesi zhbllokoi takimin në minutën e 41-të, duke i dhënë avantazhin Elbasanit.
Megjithatë, vetëm tre minuta më vonë, Egnatia barazoi me Montenegron, që shënoi me kokë. Para pushimit, Nikaj ia doli të shënojë sërish.
Sulmuesi kaloi dy kundërshtarë dhe e ndali topin në fundin e rrjetës, për t’i dhënë avantazhin Elbasanit.
SHIKONI KLASIFIKIMIN: RENDITJA E KATEGORISË SUPERIORE
Në pjesën e dytë, rastet ishin të shumta për të dyja ekipet, por rezultati nuk ndryshoi. Kjo është humbja e parë për Egnatian që zbret në vendin e dytë me 9 pikë, ndërsa Elbasani ngjitet në vendin e pestë me pesë pikë.
