E BUJSHME/ Mesfushori shqiptar braktis Zvicrën, do të luajë për vendlindjen

Mesfushori 22-vjeçar Dion Kaçuri ka marrë ftesë nga Franco Foda për t’u bërë pjesë e përfaqësueses së Kosovës në katër ndeshjet e ardhshme të Ligës së Kombeve.

Futbollisti i ftuar dy ditë më parë i është përgjigjur pozitivisht teknikut gjerman, pasi më parë ka përfaqësuar kombëtaren e Zvicrës me 18 paraqitje dhe 3 gola në grupmoshat nga U18 deri në U21, raporton Telegrafi.

Lojtari është pjesë e skuadrës austriake Lustenau i huazuar nga Baseli, ku këtë sezon numëron 6 paraqitje dhe 1 gol të shënuar. Performanca e tij me notën 7.3 nga Sofascore në ndeshjen kundër Sturm Graz tërhoqi vëmendjen e trajnerit Foda që e ndoq nga tribuna.

Kaçuri vlerësohet me 600 mijë euro në sajtin Transfermarkt dhe mund të mbulojë disa pozicione në qendër të mesfushës. Përfaqësuesja e Kosovës do të nisë fushatën e saj më 24 shtator ndaj Irlandës në Prishtinë, për të vijuar me sfidat ndaj Austrisë më 27 shtator, Izraelit më 1 tetor dhe sërish Austrisë më 4 tetor. Lista përfundimtare e lojtarëve të grumbulluar nga trajneri Foda do të publikohet zyrtarisht në fund të kësaj jave.