Aventura e Ervin Skelës në futbollin francez te skuadra e Lens ka përfunduar pas vetëm dy muajsh qëndrimi.
Ish-futbollisti i kombëtares shqiptare u bë pjesë e stafit teknik të Lens si zëvendëstrajner i Dino Toppmoller, pas një përvoje 6-vjeçare me grupmoshat e Eintracht Frankfurt.
Fillimi i punës për stafin e ri ishte pozitiv, duke fituar Superkupën e Francës përballë ekipit të PSG-së. Gjithashtu, skuadra arriti të merrte një fitore edhe në ndeshjen debutuese të këtij sezoni në Champions League.
Ndërkohë, ecuria në kampionatin vendor shënoi vetëm 4 pikë të grumbulluara në 4 ndeshjet e para. Rezultatet e dobëta në kampionat u shoqëruan edhe me tensione me drejtuesit e klubit francez.
Kjo situatë solli largimin e trajnerit kryesor Toppmoller, çka solli automatikisht edhe mbylljen e bashkëpunimit me Skelën.
