E KRYER/ Shkëlqeu me Dinamon, Përndreca me ekip të ri. 600 mijë euro për Bylisin

Fabjan Përndreca ka mbyllur marrëveshjen për t’u transferuar në kampionatin e Emirateve të Bashkuara Arabe.

Pas një paraqitjeje të mirë gjatë periudhës së verës me Dinamon, mbrojtësi u rikthye te Bylisi por nuk u përfshi në grupin e lojatërve gjatë javëve të para.

Lojtari ishte në pritje të zyrtarizimit të kalimit të tij jashtë vendit, gjë që tashmë është realizuar me sukses. Mbrojtësi i talentuar është shitur përfundimisht te skuadra e Ittihad Kalba, raporton “Superliga 87”.

Nga kjo lëvizje, klubi i Bylisit ka arritur të përftojë një shifër prej rreth 600 mijë eurosh. Ky transferim përbën një biznes mjaft të suksesshëm financiar dhe sportiv për klubin ballshiot.