Nuk kanë fund telashet, shtohet një tjetër problem te Vllaznia

Vllaznia po kalon një nga nisjet më të dobëta të kampionatit në historinë e saj.

Ekipi shkodran ka grumbulluar vetëm dy pikë pas katër javëve të para, duke pësuar tetë gola. Disfatat radhazi ndaj Partizanit dhe Laçit kanë rritur shqetësimin rreth ecurisë së skuadrës.

Sikur të mos mjaftonin rezultatet, tashmë kthehet në problem edhe kalendari. Në katër përballjet e radhës kuqeblutë do të ndeshen me Teutën, Dinamon, Egnatian dhe Tiranën.

Ky moment i vështirë për shkodranët mund të shfrytëzohet nga trajnerët Edlir Tetova i Teutës dhe Ilir Daja i Dinamos për të marrë pikët e plota.