Ditën e sotme janë zhvilluar dy ndeshje, të vlefshme për javën e 6-të të Superligës së Kosovës. Në këto duele pati surpriza, teksa u shënua një total prej 4 golash.
Malisheva ia doli që të triumfonte në transfertë përballë Llapit. Sfida përfundoi me shifrat 0-4, me Malishevën që shënoi me ish-in e Partizanit, Vusal Isgandarli, Ibishin, Tallën dhe Bushajn. duke treguar dominimin e miqve.
Kështu, Malisheva ngjitet në vendin e dytë me 13 pikë, 2 më pak se Prishtina kryesuese. Në krahun tjetër me vetëm 3 pikë pas 6 ndeshjesh, llapjanët mbajnë vendin e 8-të.
Në ndeshjen tjetër, Ballkani nuk shkoi më shumë se barazimi 0-0 përballë Dukagjinit. Këta të fundit shkojnë në kuotën e 12 pikëve, duke mbajtur vendin e 3-të, ndërsa me 10 pikë, ekipi nga Suhareka “konsolidohet” i 5-ti.
