Icardi pranë rikthimit në Serie A, gati firma te rivalët e Interit

Mauro Icardi mund të rikthehet në Serinë A. Ish-sulmuesi i Interit, i cili tashmë është lojtar i lirë pas katër sezonesh te Galatasaray, ka përfunduar në radarët e Lazios.

Tratativa mes palëve, e cila kishte mbetur pezull prej disa javësh, është rikthyer me interes në ambientin bardhekaltër.

Së fundmi janë regjistruar kontakte të reja mes menaxherëve të argjentinasit dhe drejtuesve të klubit nga kryeqyteti italian. Këtë herë, Icardi është shfaqur i entuziazmuar nga ideja për t’u transferuar në Romë.

Për më tepër, brenda një kohe të shkurtër sulmuesi pritet të zhvillojë një bisedë direkte me trajnerin Gennaro Gattuso.

Icardi e njeh mirë kampionatin italian, pasi aty pati shkëlqimin e tij me Interin, ndërsa ka luajtur edhe me Sampdorian në fillimet e tij.