Screenshot
Dinamo ka bërë dy afrime të tjera, duke nënshkruar me Andi Hadrojn dhe Saliou Sembene.
Marrëveshjet ishin arritur prej ditësh, por tashmë të dy futbollistët janë mbyllur zyrtarisht si pjesë e bluve.
Hadroj rikthehet në kampionatin shqiptar pas një përvoje një vit e gjysmë në Ukrainë te skuadra e Polissya. Mbrojtësi i djathtë aktivizohej pak në ekipin e parë atje, çka i kushtoi edhe vendin në Kombëtare. Ardhja e tij shton konkurrencën në krahun e djathtë të mbrojtjes, ku po paraqitet mjaft mirë edhe Ismaili.
Nga ana tjetër, Sembene ishte lojtar i lirë që nga qershori pas përfundimit të kontratës me Partizanin. Mbrojtësi shtatlartë bëhet kështu një përforcim i rëndësishëm për qendrën e prapavijës së Dinamos, ku deri më tani ishin vetëm Dita dhe Aliji.
