Kupa e Shqipërisë ka mësuar sot emrat e dy skuadrave të cilat kanë plotësuar turin e parë eliminator, falë sukseseve që arritën në turin paraeliminator të turneut.
Sfidat e sotme Albpetrol-Memaliaj dhe Gramshi-Basania, nxorën emrat e dy fituesve të këtyre çifteve që plotësojnë numrin e 16 ekipeve që marrin pjesë në turin e parë të turneut.
Albpetroli mundi me shifrat 3-0 Memaliajn, ndërsa Gramshi fitoi 1-0 ndaj Basanias, duke siguruar kalimin në turin tjetër, ku presin tashmë të mësojnë nga FSHF emrat e kundërshtarëve pasi kjo e fundit të plotësojë tablonë e aktivitetit.
Në turin e parë do të luajnë 16 skuadra, ndërsa fitueset e çifteve, më pas kalojnë në turin e dytë ku ndeshen me 8 ekipet e para të sezonit të kaluar të Superiores sipas një skeme të paracaktuar.
REZULTATET
ALBPETROL 3-0 MEMALIAJ
38’, 88′ Çimeize Godsuill, 63′ Muço
GRAMSHI 1-0 BASANIA
54′ Tabaku
