Regi Lushkja duket se nuk bën më pjesë në planet e klubit të Al Dhafra në Emiratet e Bashkuara Arabe.
Fantazisti shqiptar ka humbur hapësirat në formacionin bazë të skuadrës përgjatë javëve të fundit. Së fundmi, mesfushori 30-vjeçar nuk është grumbulluar as në pankinë në dy ndeshjet zyrtare.
Lushkja iu bashkua klubit arab gjatë merkatos së verës, menjëherë pas përfundimit të përvojës së tij me Traktorin në kampionatin iranian.
Kujtojmë se ai u largua në verën e vitit 2025 nga Egnatia, ku ishte udhëheqësi kryesor i rrogozhinasve drejt titullit kampion. Megjithatë, përvojat në Lindjen e Mesme nuk po shkojnë sipas pritshmërive për mesfushorin e njohur.
Për shkak të kësaj situate, emri i tij po përflitet gjithnjë e më shumë për një rikthim të mundshëm në Superiore.
