
Shqipëria dhe Kosova në një grup? Mundësi reale nëse…
Ekziston mundësia që Shqipëria dhe Kosova të shortohen në një grup të kualifikueseve të Europianit 2028. Kjo mundësi varet nga “dardanët” të cilët kanë…
Ekziston mundësia që Shqipëria dhe Kosova të shortohen në një grup të kualifikueseve të Europianit 2028. Kjo mundësi varet nga “dardanët” të cilët kanë shansin e tyre të fundit përballë Irlandës, për të hedhur të njëjtin hap siç e hodhën kuqezinjtë mbrëmë në Budapest.
Nga një këqyrje e përgjithshme e vazove me skuadrat që e kanë siguruar zyrtarisht praninë në vendet përkatëse, shihet Shqipëria në vazon e tretë. Kjo për meritë të vendit të parë që i dha skuadrës së Rolando Maran shansin për t’u ngjitur në Ligën B dhe për të marrë më shumë kuota në short.
Kosova e Fodës sfidon nesër Irlandën dhe në rast të një rezultati pozitiv, qoftë fitore ose barazim, “dardanët” do të shkonin në vazon e dytë dhe mundësia për të qenë në një grup me Shqipërinë do të bëhej reale. Vetëm në rast humbjeje, Kosova do t’i bashkohej skuadrës sonë dhe do të zeronte shanset për një ballafaqim mes skuadrave shqiptare në kualifikueset e turneut prestigjioz.
SKENARI (Pas fitores së Shqipërisë me Bjellorusinë)
Kosova fiton ose barazon me Irlandën: Hapet mundësia reale për t’i parë Shqipërinë dhe Kosovën në të njëjtin grup (Vazo 3 dhe Vazo 2).
Kosova mundet nga Irlanda: Zerohen mundësitë! Të dyja skuadrat mbeten në të njëjtën vazo (Vazo 3).

Burimi: Vetem Sport
Lajmet sportive më të shpejta direkt në rrjetet tuaja.





