Vllaznia për “turp”, Laçi fiton me dominim. Si ndryshon renditja

Vllaznia pësoi një tjetër disfatë në kampionat. Shkodranët u mposhtën 2-0 nga Laçi në transfertë, në ndeshjen e vlefshme për javën e katërt në Superiore.

Një tjetër paraqitje zhgënjyese nga kuqeblutë, që u dominuan nga kundërshtari për shumicën e kohës.

Pjesa e parë u mbyll pa gola, pavarësishst disa rasteve për shënim nga kurbinasit. Në startin e pjesës së dytë, ishte Orgi Cena ai që zhbllokoi sfidën, me një gjuajtje të bukur në hyrje të zonës.

Ndeshja u ndërpre për disa minuta, për shkak të një incidenti mes tifozëve dhe mesfushorit Adnard Mehmeti të Vllaznisë. Ky i fundit u ndëshkua me të kuq për reagimin, ndërsa arbitri urdhëroi boshatisjen e tribunës.

SHIKONI KLASIFIKIMIN: RENDITJA E KATEGORISË SUPERIORE

Pas rifillimit, Laçi shënoi edhe të dytin me Traore, i cili vulosi takimin në 2-0. Me këtë fitore, Laçi ngjitet në vendin e katërt me shtatë pikë, ndërsa Vllaznia me dy pikë, mban vendin e tetë.