U afrua 3 javë më parë, mbrojtësi largohet nga Partizani. Kalon te skuadra tjetër në Shqipëri

Ersi Kapo është rikthyer te skuadra e Besës së Kavajës gjatë kësaj periudhe.

Sipas “Ligasport” mbrojtësi i ri kalon te verdhezinjtë në formë huazimi gjashtëmujor nga radhët e Partizanit. Kjo lëvizje vjen pasi Kapo u largua nga kavajasit gjatë merkatos së verës për t’iu bashkuar të kuqve të kryeqytetit.

Marrëveshja mes dy klubeve është arritur me synimin që futbollisti të ketë më shumë minutazh në fushë. Gjithashtu, kjo përvojë do t’i shërbejë lojtarit për të marrë eksperiencën e nevojshme në këtë edicion.

Drejtuesit e Besës kanë kryer me shpejtësi të gjitha procedurat e federimit në FSHF. Për këtë arsye, Kapo është përfshirë menjëherë në protokollin e ndeshjes së sotme që Besa do të zhvillojë ndaj Sopotit.