Vllaznia po vazhdon punën për gjetjen e trajnerit të ri pas largimit të Edi Martinit. Klubi shkodran po kërkon një teknik të huaj dhe ka nisur bisedimet me Csaba Laszlo.
Sipas raportimeve të fundit, 62-vjeçari është opsioni kryesor. Laszlo ka drejtuar më parë ekipe si Ferencvaros, Hearts, MTK Budapest dhe Dundee United.
Përveç klubeve, ai ka qenë në krye të kombëtareve të Lituanisë e Ugandës dhe ndihmës te Hungaria.
Gjatë karrierës së tij, tekniku është shpallur dy herë trajneri i vitit në Skoci dhe Hungari.
Pengesa kryesore për mbylljen e marrëveshjes mbetet aspekti financiar mes palëve.
