Endri Çekiçi ka zyrtarizuar ekipin e tij të ri duke vazhduar karrierën në futbollin e huaj. Mesfushori 29-vjeçar u prezantua zyrtarisht nga klubi nga Azerbajxhani, Gabala.
Ish-lojtari i Kombëtares shqiptare hodhi firmën mbi kontratën që do ta mbajë lidhur me këtë klub deri në përfundim të sezonit 2026-2027. Kampionati azer përbën një aventurë të re dhe një destinacion të papritur për mesfushorin pogradecar.
SHIKO KETU: Shqipëria sfidon Finlandën
Gjatë karrierës së tij të pasur, 29-vjeçari ka përvojë në Irak, Algjeri, Turqi, Slloveni si dhe në Kroaci. Së fundmi, ai ishte pjesë e ekipit të Zakho në Irak përpara se të merrte ofertën e re.
Me përfaqësuesen kuqezi, mesfushori numëron 11 paraqitje zyrtare ku ka arritur të realizojë edhe një gol.
