E bujshme/ Kosova i rrëmben sulmuesin Shqipërisë

Sulmuesi i Kombëtares së Shqipërisë U19, Enis Rexhepi, ndodhet shumë pranë kalimit te përfaqësuesja e Kosovës.

Lajmi bujshëm është bërë i ditur nga faqja “AlbanianScout”. Megjithëse 18-vjeçari është pjesë e kuqezinjve të moshave, drejtuesit e FFK kanë kontaktuar drejtpërdrejt me të.

Raportohet se Dardanët kanë arritur ta bindin sulmuesin e ri për të veshur fanellën e tyre përfaqësuese. Rexhepi ka origjinë nga Lugina e Preshevës, gjë që i jep të drejtën ligjore për të zgjedhur Kosovën.

Talenti shqiptar e ka nisur edicionin e ri në mënyrë fantastike me skuadrën e Stuttgart U19 në Gjermani. Me 12 gola të shënuar në vetëm 7 ndeshje, ai ka tërhequr vëmendjen e madhe të medieve gjermane dhe më gjerë.