Besëlidhja ka caktuar një zgjidhje të përkohshme për drejtimin teknik pas largimit të trajnerit Elvis Plori.
Detyra e drejtimit të skuadrës lezhjane i është besuar Ndriçim Shtubinës për ndeshjen e radhës në kampionat.
Ish-futbollisti i Vllaznisë mbante deri më tani rolin e zëvendëstrajnerit te Besëlidhja dhe ka filluar menjëherë punën me grupin. Ndryshimi në stol vjen si rrjedhojë e ecurisë negative në fillim të kampionatit, ku skuadra pësoi dy humbje në dy javët e para.
Shtubina synon të marrë pikët e para të sezonit dhe të rikthejë rezultatet pozitive te lezhjanët. Ndeshja e tij e parë në krye të pankinës do të jetë përballja në transfertë kundër Bylisit. Ky duel është planifikuar të luhet këtë të mërkurë në qytetin e Ballshit, me fillim nga ora 16:00.
