Situata te Partizani, kapiteni përfundon tek ekipi B

Përgjatë merkatos, Partizani ka kryer një rindërtim të madh të skuadrës duke larguar 17 futbollistë dhe afruar katër emra të rinj.

Panorama Sport ka zbardhur organizimin e plotë të të kuqve me ekipin A dhe ekipin B. Në listën e parë të trajnerit bëjnë pjesë 25 lojtarë, ku përfshihen edhe afrimet e reja si Çelaj, Pasagiç e Aliu.

Bie në sy mungesa e Marçelino Prekës, i cili aktualisht është i konfirmuar te ekipi B për shkak të një dëmtimi. Mbrojtësi pritet të rikthehet në fushën e lojës gjatë muajit të ardhshëm. Edhe 20-vjeçari Denis Sulo ndodhet në fazë rikuperimi dhe mbetet pjesë e regjistruar e klubit kryeqytetas.

Ndërkohë, katër lojtarë të tjerë si Fadairo, Mija, Malaj dhe Qefalija qëndrojnë përkohësisht jashtë listës kryesore.