Skandaloze/ Trajneri i Partizanit nuk përmbahet ndaj lojtarit të tij, e shtyn me forcë. Klubi “zhduk” videon
Një incident i rëndë është regjistruar mbrëmjen e sotme gjatë ndeshjes Partizani–Dinamo, e vlefshme për Kategorinë Superiore U-18. Trajneri i Partizanit U-18, Aldo Duro, është filmuar duke shtyrë dhe përplasur në tokë një nga lojtarët e skuadrës së tij, në momentin që ky i fundit po përgatitej të futej në fushë si zëvendësues.
Ndeshja është transmetuar drejtpërdrejt në YouTube nga klubi, por videoja është hequr pak minuta pas incidentit. Pamjet, që janë shpërndarë më pas në rrjetet sociale, tregojnë qartë momentin e përplasjes fizike mes trajnerit dhe lojtarit.
Episodi ka ngjallur reagime të shumta, si nga tifozët ashtu edhe nga të afërmit e futbollistëve, të cilët kanë kërkuar ndërhyrjen e menjëhershme të institucioneve përkatëse.
Lajmet sportive më të shpejta direkt në rrjetet tuaja.
